३१ भाद्र २०७८, बिहीबार

‘छ माया छपक्कै’लेअहिलेसम्म कति कमाई गर्‍यो?

काठमाण्डौ , दसैँको छेको पारेर गत असोज २४ गते रिलिज भएको फिल्म ‘छ माया छपक्कै’ले प्रदर्शनको दोस्रो साता पनि राम्रो ब्यवसाय गर्न सफल भएको छ। फिल्मले प्रदर्शनको पहिलो साता झै दोस्रो साता पनि राम्रो व्यवसाय गरिरहेको निर्माता रोहित अधिकारीको भनाइ छ। 

फिल्ममा दीपकराज गिरी, केदार घिमिरे, जितु नेपाल, केकी अधिकारी, सुपुष्पा भट्टलगायतको अभिनय रहेको छ । निर्देशक लामाकै कथा रहेको फिल्म ‘आमा सरस्वती मूभिज’, ‘रोहित अधिकारी फिल्मस्’ र ‘र्आइएमई’को संयुक्त ब्यानरमा निर्माण भएको हो।

‘फिल्मले गत शनिबार पहिलो साताझै देशभरका हलमा हाउसफलुको ब्यवसाय गर्यो’ अधिकारीले भने ‘अहिले पनि सबै चलचित्र भवनमा दर्शक राम्रो देखिएका छन् ।’ दर्शकको उपस्थिति अनुपात बढ्दो क्रममा भएकाले फिल्मले अझै केही साता राम्रो व्यवसाय गर्ने अधिकारीले बताए। 

प्रदर्शनको दुई दिन अर्थात २४ र २५ असोजमै तीन करोडको व्यवसाय गर्न सफल फिल्मले अहिलेसम्म दश करोडको व्यवसाय गरेको निर्माता अधिकारीले दाबी गरे । उनले थपे ‘पूरै डाटा आउन बाँकी छ । केही थपघट हुनसक्छ । राजनैतिक विषयलाई हाँस्यरसमा ढालेर निर्माण भएको फिल्मको विषयवस्तु समीक्षकले समेत तारिफ गरेका छन्। 

फिल्मको समीक्षा आएपछि झन् फिल्मको दर्शक बढेको निर्देशक दीपेन्द्र लामाले बताए । ‘फिल्मको समीक्षाले अन्य फिल्मको दर्शक घटाउछ । हाम्रो बढाएको छ’ लामाले भने , ‘फिल्म हेर्न नहेर्ने निणर्यका लागि दर्शक समीक्षा पनि कुर्दा रहेछन् ।’ मिडियामा सकारात्मक समीक्षा आएपछि हलमा दर्शक बढेको लामोको भनाइ रहेको छ। 

यस बर्षको प्रतिक्षित चलचित्र ‘छ माया छपक्कै’ यही शुक्रबारबाट रिलिज हुदा तीन दिनमा ५ करोड ग्रस कलेक्सन भएको छ । दशैंको अन्त्यतिर चलचित्र रिलिजसंगै यतिबेला व्यापारिक रिपोर्टको चर्चा भइरहेको छ।

अभिनेता दीपकराज गिरीले चलचित्रको व्यापार आश्चर्यजनक भएको बताएका छन् ।शुक्रवारनै अधिकांश हलहरु हाउसफुल भएको थियो । रिलिजको पहिलो दिन शुक्रबारको ग्रस कलेक्सन १ करोड ५५ लाख आसपास रहेको बताएका उनले दोश्रो दिन शनिवारको कलेक्शन १ करोड ९० लाख आसपास रहेको बताए भने तेश्रो दिनमा ५ करोड आसपास रहेको बताए।

फिल्मले रिलिज भएको पहिलो र दोस्रो दिन करिब ३ करोडको ब्यापार गरेको निर्माता रोहित अधिकारीले बताए । त्यसपछि झन् फिल्मको समिक्षबाट सामाजिक सञ्जालमा र मिडियामा राम्रो प्रतिक्रिया आएपछि हलहरुमा दर्शकको चाप बढेको अधिकारीले बताए । उहाँका अनुसार फिल्मले अहिलेसम्म अर्थात दोस्रो सातासम्म आइपुग्दा करिब १० करोडको ब्यापार गरेको बताए । तर आधिकारिक डाटा भने आएको छैन्।

प्रतिक्रिया दिनुहोस्
परिचय मिडिया प्रा.लि.द्वारा सञ्चालित
समाचार प्रमुख