१२ श्रावण २०७८, मंगलबार

सिन्धुपाल्चोकको बाढीमा ५० जनाभन्दा बढी बेपत्ता भएको मन्त्रीको दाबी (अपडेट)

काठमाण्डौँ । स्वास्थ्यमन्त्री शेरबहादुर तामाङले मेलम्ची र इन्द्रावती नदीमा आएको भीषण बाढीले ५० जनाभन्दा बढी बेपत्ता भएको जानकारी दिएका छन् । मंगलबार राति आएको बाढीले उनीहरुलाई बेपत्ता बनाएको बताइएको छ।

त्यस्तै मेलम्ची खानेपानीको ड्याम समाप्त गरेको, तिम्बु बजार, चनौटे बजार, तालामाराङ बजार, मेलम्ची बजार, क्षतबिक्षत बनाएको मन्त्री तामाङले जानकारी दिएका छन्। उनका अनुसार बाढीले नाकोते पूल, तिम्बु पूल, फट्टे पूल, मेलम्ची पूल, बाहुनेपाटी पूल, ढाँडखोला पूलसमेत भत्काएको छ। नदी किनाराका सम्पूर्ण संरचना ध्वस्त बनाएर अर्बौंको क्षति पूर्‍याएको मन्त्री तामाङको दाबी छ।

उनले यो प्राकृतिक विपत्तिमा सबैलाई संयमता पूर्वक उद्धार र राहातमा जुटन अपिल गरेका छन्। सरकारले आजै टेण्ट र खाध्यान्न उपलब्ध गराउन मागसमेत गरेका छन्। जुन जुन बस्तीमा क्षति भएको छ त्यहाँ खसाल्छौं । स्थानीय जनतामा जसको घर बगाएको छ वहाँहरुलाई घर हुनेहरुले आश्रय दिनुहुन अपिल गर्दछु । अन्तरास्ट्रिय समुदायलाई यो बिपत्तिमा साथदिन अपिल गर्दछु । मलाई सम्पर्क गर्न 9851040821 मा गर्नुहोला । मेरो स्वकिय निर्मल बन्जारा 9851175310 हो स्थानीय प्रशासन र जनप्रतिनिधिहरुसंग प्रत्यक्ष सम्पर्कमा रहनुहोला । आजै निरिक्षण हुने जानकारी गराउँदछु । खोलाको बहकाव झनझन बढिरहेकाले सप्तकोसीसम्मका बासिन्दहरुलाई सचेत र सुरक्षित रहन अपिल गर्दछु ।

भिडियोमा हेर्नुहोस्

प्रतिक्रिया दिनुहोस्
परिचय मिडिया प्रा.लि.द्वारा सञ्चालित
समाचार प्रमुख