२८ बैशाख २०७८, मंगलबार

कुकुर मारेको घटनामा न्याय माग्न पुगिन् नायिका सुष्मा कार्की, अन्तर्बार्तामा नै रोईन् (भिडियो सहित)

काठमाडौं – ‘धुलिखेल नगरपालिका–४’ स्थित २८ किलोमा दुईजना पुरुषले कुकुरलाई हिर्काएर हत्या गरेको भिडियो सामाजिक सञ्जालमा भाइरल छ । घटना चैत १८ मा भएको हो । बिजुलीको पोलमा कुकुरलाई बाँधेर दुईजना पुरुषले कोदालो र फलामको रडले टाउकोमा हिर्काएर कुकुरको हत्या गरेको देखिन्छ ।

‘सामाजिक सञ्जालमा’ सो भिडियो अपलोड भएपछि जनावर प्रेमीहरूले कुकुर मार्नेलाई कारवाही गर्नुपर्ने भन्दै जिल्ला प्रहरी कार्यालय काभ्रेमा उजुरी गरेका छन् । ८ वर्षको बालकलाई टोकेपछि उनका आफन्तले कुकुर मारेको भनिएको छ । चैत २९ मा जनावर प्रेमी सिर्जना पञ्जिायर सहिको समूह र बनेपाको नेशनल एनिमल रिसर्च सेन्टरले कुकर मार्नेलाई कारवाही गर्नका लागी प्रहरीमा उजुरी दिएका छन् ।

के थियो घटना ?मंसिर २१ गते दोलखाको बिगु गाउँपालिकाका उपाध्यक्ष सञ्जिव ओली गत शनिबार हतार–हतार काठमाडौँ आए । श्रीमती र २ छोरासहित ओली तीनकुनेस्थित कान्तिपुर अस्पताल पुगे । माइलो छोरा बिरामी थिए । बिरामी छोरालाई अस्पतालको आकस्मिक कक्षमा भर्ना गरे । ७ वर्षका कान्छो छोरा र श्रीमती अस्पताल बाहिर नै बसे ।

नजिकै ६/७ वटा कुकुरहरु पनि थियो । कुकुर देखेपछि ओलीका कान्छो छोरा जिस्क्याउन गए । जिस्क्याउने क्रममा एउटा कुकुरले उनलाई टोक्यो । फेरि हतार–हतार गरेर कान्छो छोरालाई टेकु लगेर रेबिजको ‘इन्जेक्सन’ लगाए ।

छोराको उपचारमा खटिएका डाक्टरहरुले यो कुकुरले अन्य मान्छेलाई पनि टोकेको ओलीलाई बताए । त्यसपछि ओली तल आए । आसपासका ६/७ जनालाई घटनाबारे बताए । अन्ततः सबैजना कुकुरलाई मार्ने निर्णयमा पुगे । सो कुकुरलाई उनीहरुले समाएर मार्न खोजे ।

कुकुर भाग्दै एक घरको छतमा पुग्यो । अघि–अघि कुकुर थियो भने पछि–पछि उनीहरु । छतमा एक साइडमा लुकेर बसेको सो कुकुरलाई समाए र हिर्काएर मारे । छतमा मारेको कुकुरलाई तल ल्याएर छोडे ।

ओलीले भने, ‘डाक्टरहरुको कुरा सुनेपछि पछि अरुलाई पनि टोक्न सक्छ भन्ने सोचेर सबैसँग सल्लाह गरेर नै उक्त कुकुरलाई मारेका हौं ।’ ओलीका अनुसार उक्त कुकुर आफ्नो भनेर कसैले पनि जिम्मा नलिएपछि मारिएको हो ।

उनले भने, ‘भुस्याहा कुकुर हो । पछि हरुलाई पनि टोक्छ भन्ने सोचेर मार्यौँ।’ घटनाको भोलिपल्ट अर्थात मंसिर २२ गते ओली दोलखातिर लागे । तीनकुनेमा व्यवसाय गर्दै आइरहेकी सबिना आपागाइँले कुकुर मारेको फालिएको देखेपछि विमत्ति जनाइन् । उनले लगत्तै सामाजिक सञ्जालमा घटनाबारे एक स्ट्याटस लेखेर पोष्ट गरिन् ।

सबिनाले आफूलाई चित्त नबुझेको भन्दै मंसिर २३ गते नै महानगरीय प्रहरी वृत्त तीनकुनेमा निवेदन दिइन् । मारेको कुकुरलाई एकठाउँमा खाल्डो खनेर पुरिदिएको सबिनाले बताइन् । सबिनाले निवेदन दिएको खबर मंसिर २४ गते पशु अधिकारकर्मीहरुले पनि थाहा पाए । अनि सबिनालाई सम्पर्क गरे । घटनाबारे सबिनाले पशु अधिकारकर्मीहरुलाई ब्रिफिङ गरेपछि उनीहरु ओलीलाई बोलाएर छलफल गर्ने निर्णयमा पुगे ।

पशु अधिकारकर्मीहरुले ओलीलाई सम्पर्क गरे । काठमाडौँ आउन आग्रह गरे । व्यवस्तातले गर्दा उनीहरुले बोलाएको समयमा आफू काठमाडौँ आउन नसकेको ओलीले बताए । उनले आफू समयमा काठमाडौँ आउन नसक्दा पशु अधिकारकर्मीहरुले आफूलाई धम्क्याएको समेत ओलीले दावी गरे ।

‘फेक फेसबुक आइडी बनाएर मलाई मारिदिने भन्दै धम्क्याएका छन् । मेरो फोटो कुकुरको शरीरमा जोडेर जथाभाबी पोष्ट समेत गरेका छन्’ उनले गुनासो गरे । सामाजिक सञ्जालमा कुकुरको फोटोसँग आफ्नो फोटो जोडेर जथाभावी पोष्ट गरेको भन्दै ओलीले पनि महानगरीय प्रहरी परिसर काठमाडौँमा उनीहरुविरुद्ध जाहेरी दिएका छन् ।

सोलगत्तै पशु अधिकारकर्मीहरुले पनि तीनकुने वृत्तमा ओलीविरुद्ध जाहेरी दिन पुगेका छन् । यद्यपी जाहेरी दर्ता भइसकेको छैन । यता महानगरीय प्रहरी वृत्त तीनकुनेका डीएसपी दुर्गाराज रेग्मीले अहिलेसम्म कुकुर आफ्नो भनेर कसैले जिम्मा समेत नलिएको बताए ।

यतिखेर संसारभरि नै पशुअधिकारको लागि आवाज उठ्ने गरेको छ । नेपालमा पनि अधिकारकर्मीहरुले पशुको अधिकारको लागि बेलाबेलामा अभियान चाल्दे आएका छन् । मुलुकी अपराध संहिता अनुसार नै पिन पशुहत्यामा दोषी प्रमाणित भएमा एक महिना जेल र ५ हजारसम्म जरिवाना हुनसक्छ ।

भिडियो हेर्नका लागि यहां क्लिक गर्नुहोस्।

प्रतिक्रिया दिनुहोस्
परिचय मिडिया प्रा.लि.द्वारा सञ्चालित
समाचार प्रमुख